Bu gün sizləri bütün müsəlman aləminin qarşıladığı Ramazan ayında oruc tutmaqla paralel necə profesional və ya həvəskar idmanla məşğul ola biləcəyiniz haqqında bir neçə məlumatla tanış edəcəyəm. Ramazan ayı dini, yəni mənəvi bir ibadətdir. Çəki salma, kilo alma kimi bir niyyətlə bu orucu tutmamağınızı məsləhət görərdim. Lakin, əgər öncədən də müəyyənləşdirdiyiniz bir məqsədiniz vardısa və siz artıq bir yol qət etmisinizsə bundanda dönmək məqsədə uyğun deyil. Bildiyiniz kimi tərəziyə səhər ac qarına, tualetdən sonra, ən nazik paltarlarımızla çıxmalıyıq ki, öz bədən kütləmizi dəqiq bilək. Ancaq bu ay imsak vaxtı ilə səhər işə və dərsə getmə saatları arasında çox az zaman var. Ən düzgün tərəziyə çıxma saatı imsakdan 12 saat sonradır. Daha sonrakı məsələ çəki qaldırmaq, çəki salmaq, çəkini olduğu kimi saxlamaqdır. Tutaq ki, siz idmançısınız və müəyyən müddət sonra idman turnerinə çıxacaqsınız. Çəkinizi azaltmağınız və ya artırmağınız mütləqdir.
Bu zaman çəki artırmaq üçün gündəlik 1200-1500 kalori almalısınız(aktiv həyat tərziniz varsa rəqəmlər dəyişə bilər). Çəki azaltmaq üçün gündə 1000 kaloridən az yeməlisiniz. Çəkini stabil saxlamaq üçün də, 1000-1200 kalori qəbul etməyiniz kifayətdir. Qəbul etməli olduğunuz kalori miqdarını iftar, imsak və ara öyün, yəni 2-3 zaman dilimi arasında tam paylaşdırmağınız lazımdır.
3-cü vacib amil yuxudur. Yuxu bizim bədənimizin restavrasiya anıdır. Yəni yuxusunu tam ala bilməyən hər insanın bədəni mütləq gündən-günə çökməyə məhkumdur. Bədənin aktivlik səviyyəsini, immun sisteminin normal olduğunu nəzərə alsaq, normal bir insanın 24 saat ərzində 8 saat yuxuya ehtiyacı var. Əslində hərəkətsiz halda yatmış olsaq da, beynimiz də daxil olmaqla bütün daxili orqanlarımız aktiv halda işləməyə davam etdiyi üçün, bədənimiz kalori verməyə davam edir. Bu haqda gələn həftələrdə ayrıca bir video post paylaşmağı düşünürəm. Mövzunu çox uzatmayacam. Konkretləşdirsək, normal bir insan bədəninin ac qarına fiziki və psixoloji sağlamlığı üçün 8 saatlıq yuxuya ehtiyacı var.
4-cü və əsas mövzu Ramazan ayında idmandır. Bu sizin hansı idmanla məşğul olmağınızdan, sizin idman sahəsinin aktivliyindən, ağırlığından asılı olaraq dəyişir. Önəmli olan uzun müddət ac qaldıqda idmanla məşğul olacağınız halda çox halsız, çox susuz hiss edə biləcəyinizi unutmamağınızdır. Yəni bədənimizə 16 saata yaxın və ya daha çox vaxt enerji getmədiyinə görə bədən onsuz da gün ərzində etdiyiniz bütün fəaliyyətlərə görə imsak zamanı ona verdiklərinizi istifadə edir. Siz ağır idmanı səhər və ya günorta etdiyiniz an bədəninizin məcazi mənada benzininin qurtaracağını, suyunun qurtara biləcəyini nəzərə almalısınız. Bu halda şəkəriniz düşə bilər, təziqiniz düşə və ya qalxa bilər. Hətta başqa əks göstərişlər də müşaiət edə bilərsiniz. Demək olar ki, məndə daxil bütün məşqçilər iftardan saat yarım, 2 saat sonranı məşq üçün ideal an hesab edirik. Lakin həmin saatlar gec saatlar hesab olunur deyə 1 saat məşq+ yarım saatlıq duş, evə dönüş və.s bütün bu hallar çox vaxt apardığı üçün sizi iftardan sonra tox qarına ərincəkliyə sövq edə bilər. Mənim şəxsi fikrimə görə əyər halınız varsa, sağlamlığınız qaydasındadırsa iftara saat yarım ,1 saat qalmış məşqə başlayıb, məşqdən sonra su və yemək (məşqdən sonra bol proteinli yeməklər hər zaman məsləhətdir) ehtiyacınızı qarşılaya bilərsiniz. Hələlik məndən bu qədər. Özünüzə yaxşı baxın. Ümid edirəm videonun sizlərə köməyi dəyər. Bizi izləməyə davam edin və fikirlərinizi bildirməyi unutmayın.
